٥٦.. الزُّوج الهارب
عارفة ليه .. أنا بابعد عنِّك؟
عارفة ليه ... أنا باهرب مِنِّك؟!
نِفسى أغيب وأرووح وأسافر ... لحن حياتنا نشاز متنافر
علشان لمًّا بابُص عليكي .. عُمر الكُحل ما حَف عنيحتَّى سلامك أصبح عادة
نِفسي أحس الشُّوق ف إيديكي
نفس الهِدمة مافيش تغيير . دا إنتى معاكي اللبس كتيير
حابسة هدومِك جُوَّا دولابك ..ليه مطفيَّة ف عز شبابك؟!
نِفسى أشوفك لابسة تايير
فين العطر وفين الرٍّيحة؟!..نفس الفورمة مع التَّسريحة؟!
نِفسي ف همسة وضحكة ولمسة
وكلمة حُب معاكى صريحة
نِفسي معاكى أعيش واتدلَّع
نِفسي أشوف الضِّحكة تسمّع
حتى لمّا بتبقى أجازة .. حاسس إنِّي ف بيتنا جنازة
قلبي معاي م الغيظ بيولَّع
رابطة إشَرْب بصورة غبيَّة .. نفس الطَّرحة مع الجَلبيًّة
وبتنسيلي الحاجة الحلوة ... وتقولي الحاجة السلبيَّة
نفس العادة ونفس الأكل ... نفس اللون ونفس الشًّكل
عارفة كمان أنا ليه ملِّيت ؟! .. كاره حتى أشوف البيت
علشان حاجة مش معقولة ... دايمًا جُوَّا البيت مشغولة
لاوية بوذك بالتًّكشيرة
نافشة راسك زي الغولة
بتحطِّي إيدك على خدِّك . إيه على شط الحزن دا شدِّك
أسأل مالك ليه زعلانة
ألقى بارود طالع من ردِّك
دوشة وزيطة ويَّا الجارة ... تحكي بسر البيت وتهاتى
صوتك جايب أخر الحارة ... ودايمًا تشكي تقولي حماتي
دايمًا ترغي تعيدي تزيدي
بُقك عمره مابلِّش فولة
نِفسي ألاقى ف وشٍّك بسمة .. نِفسي أشوفك وردة ونسمة
شايلة حنانك بس لمين
فين مكياجك؟!
اللي ماشفته ليَّا سنين
عارفة ليه .. أنا بابعد عنِّك؟!
عارفة ليه .. أنا باهرب منِّك؟!
عارفة ليه أنا شكلي حزين؟!
علشان كل حياتنا روتين
علشان كل حياتنا روتينكي
