قصيدة العشرين الشاعرة / دُعَاء الفِقي( نبض الأقلام )`

عدتْ السنين بسرعة ووصلت أهو العشرين 

فاكرة ياماا لما قولتلك امتى هكون عشرين ؟

أهو جه الوقت ياماا وفاتت عليا السنين !

دا اليوم اللي سألتك عنه شوفي دا العشرين 

مشيتي بدري وسيبتيني لوحدي من سنين

كان نفسي تفضلي جنبي ومفضلش في أنين 

شوفت كتير من بعدك ولا كإني بقيت خمسين

تعبت بعدك كتير ياماا وبيقتلني ليكِ الحنين 

شوفي حياتي ضلمة من بعدك وبعد الغاليين

مشيتوا وسيبتوني في دنيا مليانة تعابيين 

آه دنيا صعبة داست على بنت في العشرين

كان نفسي تبقي معايا دا القلب بَعدك حزين 

تعالي شوفي يا غالية أهوه بقيت عشرين ..

`