الأعمال الكاملة ديوان(١١)جلا جلا ٤٧٤
الأعمال الكاملة ديوان(١١)جلا جلا
٤٧٤ ... كلام النَّاس
شُق طريق ف السِّكَّة وعدِّي..... وانسى كلام النَّاس
لو تتأخَّر يوم وتهدِّى....... حلمك راح يندارمي كلامهم ده ورا ضهرك ..شوف مصلحتك فين
لو تسمع هاتموت من قهرك .. تبكي بدمع العين
مهما الحاقد شافك تنجح ... مش هيقولًّك زين
...
أصل كلام النَّاس متغاير ..زي الصُّبح وليل
الحاسد منهم والغاير .. واللي يهد الحيل
مهما الغنوة بتاعتك هايلة ..تلقى ملام الويل
..
ناس كتير متحبش غيرها .. ف كل طموح بتهد
دي قلوب سودة و معدوم خيرها ... زي الشُّوك بتمد
كل ما حد يبص لفوق ...تاخده لتحت تشد
...
غمِّض عينك عن حاسدينك ..فتَّح عينك كدا قُدَّام
ربَّك بالإخلاص هيعينك ..ثبِّت ع السِّكَّة الأقدام
لازم تصبح حازم عازم .. انسف كل شعور هدَّام
....
بعد الضَّلمة بيجي النُّور . بعد الليل بيهل نهار
لجل ما تروي المَيَّة البور .. شَقِّت جُوَّا صخور أنهار
اوعى تسيب الحلم بتاعك .. عار لو حلمك يوم ينهار
..
بُص وشوف كام واحد قبلك . بقى ف العالم كدا أسطورة
أيَّوا الصَّعب أكيد هيقابلك ..وتواجه صعوبات وخطورة
لو جِه حلمك يوم بالسَّاهل ... مش يستاهل يصبح صورة
..
اوعاك ترضخ يوم لهزيمة .وانسى اللي يبالغ ويجامل
خلِّي إرادة معاك وعزيمة.. خلِّيك بالإصرار متعامِل
المصباح بالقوَّة ينوَّر...رغم الضِّيق و الغاز الخامِل
...
رغم الموج ورغم الرِّيح ...المركب ف البحر يعافر
مهما الطِّير بجناحه جريح.. لبراح الأكوان بيسافر
شوف النَّمل عشان أحلامه...جُوَّا الصَّخر بتلقاه حافر
..
اوعى فتور يحجب أهدافك .سَمِّي وعدِّي لحلمك فوت
خلِّي الحلم كفوف مجدافك .حتَّى إن كنش معاك غير قوت
خلِّي القلب بحلمك ينبض.. من غير حلم قلوبنا تموت
.
لجل اللؤلؤ لجل الماس ....غوص الأعماق عدِّي بحور
سير ف خطوط المجد تماس ..نقِّب ع الأحلام ف جحور
شوف النَّحلة لجل عسلها..مش بتخاف م الشُّوك ف زهور
.....
..
لو تعتر خطوة وتتأخَّر ........... قوم وكمِّل كدا من تاني
اوعى عزيمتك يوم تتبخَّر .... ولَّا تقول ظروف مانعاني
خًلٍّي العالم يعرف قيمتك........ يكتب اسمك لحن أغانى
...
اوعى اليَّأس يقرَّب منَّك.. أو يثنيك عن حلمك شَي
اوعى تقول ما خلاص فات سنَّك
لسَّاك جُوَّا الدُّنيا دي حي
مِد وشِد شعاع أحلامك...تلقى الضَي لصبحك جَي
....
امسك حلمك تبِّت فيه .. و إدِّي طموحَك أقصى مداه
اللي يروح لطموح يناديه.. يلقى نجاحه يرد صداه
واللي بيروي الزَّرْع بعرقُه ...لازم تجني الورد يداهاس
