الأمومة" نورهان هانئ " فطرة لا تُكتسب

من أول لحظة بتبدأ فيها البنت الصغيرة تمسك عروستها، وتلبسها وتخاف عليها وتغطيها وهي نايمة، بنشوف أول ملامح الأمومة. دي الغريزة اللي اتخلقت جوا كل أنثى، من غير تعليم ولا تدريب. البنت تكبر، وتحلم بفارسها، وبالفستان الأبيض، وبالبيت اللي يكون فيه صوت طفل يناديها "ماما"… كل ده مش رفاهية، دي فطرة ربنا زرعها جواها.

الأمومة مش درجات، ومش شهادة صلاحية، ومش مقارنة بين أم وأم. الأم العصبية، والأم الهادية، والأم اللي بتشتغل، والأم اللي قاعدة في البيت... كلهم بيجتهدوا وبيحبوا وبيخافوا وبيتعبوا علشان ولادهم. يمكن الأسلوب يختلف، يمكن الظروف تختلف، لكن الغريزة واحدة، والنية واحدة، والمشاعر صادقة عند الكل.

مفيش أم سيئة، في أم مضغوطة، وأم مجروحة، وأم بتحاول على قد طاقتها.

الأمومة مش كمال، الأمومة حياة.

هي مش لقب، هي روح متخلقة في كل أنثى من أول يوم اتخلقت فيه.