عاوزينها تبقى نضيفة

صباح الخير على كل مصري غيور على بلده…
هو مفيش مرة نطلع ترند اسمه "يلا ننضف شوارعنا"؟
هو لازم الترند يبقى عن خناقة أو رقصة أو إشاعة؟
طيب فين ترند "يلا نبطل نرمى الزبالة من شباك العربية"؟
فين ترند "يلا نحافظ على الحديقة العامة بدل ما نحولها لمبولة"؟
بلدنا مش ناقصة كلام، ناقصة ضمير وسلوك وبدء من النفس.
لو القبح مضايقك والعشوائية مزعلاك، يبقى لازم تعمل العكس بنفسك.
ابدأ من باب بيتك، من شارعك، من ورشة أو محل أو مكتبك.
مش لازم تستنى الحكومة.. ابدأ بنفسك، والباقي هييجي لوحده.
مبادرتنا النهارده اسمها:
🌍 "عاوزينها تبقى نضيفة" 🌍
مبادرة شبابية مصرية بسيطة الفكرة… كبيرة التأثير.
بنبدأها من سوهاج، ونمدها لكل محافظة في مصر.
مش بس نضف الشوارع، لكن كمان ننضف السلوك.
ننضف قلوبنا من الجشع، من الكذب، من التنمر، من قلة الذوق.
نرجع لبلدنا جمالها الحقيقي، ونخلي النظافة أسلوب حياة مش حملة موسمية.
يلا نثبت للعالم إن مصر مش بس حضارة وتاريخ،
دي كمان وعي ونظام واحترام وجمال.
نحلم ببلدنا نضيفة.. منظمة.. راقية،
من الشارع الصغير لحد الميدان الكبير.
دي مش دعوة من مسؤول ولا من مؤسسة،
دي دعوة من كل مصري بيحب تراب بلده.
ابدأ بنفسك، خليك قدوة، خليك صاحب الفرق.