حسام غالي: أحلم برئاسة الأهلي.. لكن «المعركة الآن شرسة»
أكد حسام غالي، عضو مجلس إدارة النادي الأهلي وقائد الفريق السابق، أنه يطمح في تولي رئاسة القلعة الحمراء يومًا ما، لكنه يرى أن التوقيت الحالي غير مناسب لخوض هذه التجربة.
وقال غالي، خلال حواره في بودكاست «G.Talks»:«ممكن أكون شايف نفسي رئيس النادي الأهلي، وممكن أحقق طموح الناس اللي شايفاني في المكان ده، لأني حافظ مبادئ النادي وعارف قيمته كويس جدًا».
وأضاف: «من ساعة ما دخلت الإدارة وأنا شايف حجم الضغوط والصراعات، الموضوع ضخم جدًا ومليان معارك وخناجر في الظهر، وأنا حاليًا مش قادر أمسك سيف ودرع وأدخل المعركة دي».
وأوضح نجم الأهلي السابق أنه اعتاد على القتال كلاعب: «طول عمري بحارب إعلام، جمهور، ومدربين مش واثقين فيا، لكن دلوقتي الحرب أكبر وأصعب. ومع ذلك، أنا لا أخوض حروبًا غير نزيهة، كل معاركي شريفة».
واختتم غالي تصريحاته مؤكدًا: «الحلم موجود والرغبة قوية، لكن لسه مش وقته.. لما أكون مستعد للسيف والدرع هرجع أقاتل، وكل ما سأحققه سيكون بمجهودي وعرقي».
