الرئيس السيسى: عمرى ما كنت بحاول أبالغ أو أقول أوهام ولكن والله وده قسم عظيم إحنا ماشيين بشكل كويس قوى

أكد الرئيس عبدالفتاح السيسى أن أوضاع الاقتصاد المصرى فى مصر، تشهد تحسنًا ملحوظا قائلًا: «خلينى أقولكم أن موقفنا الاقتصادى بيتحسن يوم عن يوم ولسه وبالله وبيكم هيتحسن أكتر من كده ومؤشراتنا هتبقى أفضل من كده».
وقال الرئيس السيسى خلال الكلمة التى ألقاها خلال حفل تخرج دفعة جديدة من أكاديمية الشرطة: «إنتوا عارفين كويس قوى عمرى ما كنت بحاول أبالغ أو أقول أوهام ولكن والله وده قسم عظيم إحنا ماشيين بشكل كويس قوى وكل يوم بيبقى أفضل من الأيام اللي قبل منه» موضحًا: «إوعوا تفتكروا إن فى دولة آمالها وطموحاتها ومشاكلها بتنتهي أومال الأجيال الجديدة والشباب والشابات مهمتهم إيه؟
 الدنيا كلها قدامهم ولكن موجودين علشان يغيروا للأفضل ويحسنوا من الأداء فى وظائفهم وعلومهم ودراساتهم واقتصادهم وكل شىء».
وذكر الرئيس السيسى: «إوعوا تتصوروا إننا ممكن نيجى فى يوم من الأيام نقول إحنا خلاص خلصنا مفيش بلد تقول إنها انهت وحلت كل مشاكلها ده تطور طبيعى للدنيا اللى إحنا عايشين فيها الحمد لله الموقف الاقتصادى بيتحسن وهيتحسن أكتر من كده بالرغم من كل الظروف الصعبة اللى مرت على المنطقة وعلينا خلال الخمس سنين اللى فاتوا من 2020 وحتى الآن ولكن زى ما قولت بصلابتكم إحنا بنعبر كل الأمور بفضل الله».
السيسى: واجهنا إرهـابا قاسيا جدا وبفضل الله وأبناء مصر  والجيش والشرطة تغلبنا عليهم
أكد الرئيس عبد الفتاح السيسى أن مصر واجهت ظروفا صعبة من 2013 وواجهنا إرهـابا قاسيا جدا وبفضل الله وأبناء مصر سواء الشعب أو مؤسسات الدولة الجيش والشرطة تغلبنا عليها.
وقال الرئيس خلال كلمته فى مراسم حفل تخرج دفعة جديدة من طلاب الشرطة والضباط المتخصصين بمقر أكاديمية الشرطة بالقاهرة الجديدة موجها كلامه للشعب المصرى أى تحد وأى تهـديد ما تقلقوش منه طول ما أحنا مع بعض.