موهبة تستحق الدعم.. الفنان ذهيجت الطاهر

هنتكلم النهاردة عن موهبة حقيقية.. فن مش بييجي غير من ناس ربنا خلق جواها الحس، والرؤية، والخيال.

موهبة النحت والفن التشكيلي.. موهبة محتاجة كلمة تقدير وتشجيع.

الفنان ذهيجت الطاهر من قرية بيت علام – مركز جرجا

شاب قدر يحول الخشب والطين والصخور إلى حياة.. ملامح.. إحساس.. وشغل متقن بيشهدله كل اللي شاف أعماله.

مش بس نحت وخلاص.. ده فن له روح.

فن طالع من بيئة بسيطة.. لكنه بيقول إن جرجا دايمًا ولادة للمبدعين.

وذهيجت بيقول:

"عندي موهبة النحت والفن التشكيلي.. وعايز أكمل وأطوّر نفسي.. وأوصل صوتي للناس."

ونحن بنقول:

الموهبة دي لازم تتشاف

ولا بد من دعم المواهب الشابة اللي بترفع اسم بلدنا.

تحية تقدير واحترام للفنان ذهيجت الطاهر

ومن هنا بنقول: استمر.. وما توقفش.. وشغلك هيوصل بإذن الله.